Transcription
1
Reçue à Paris.
2
[brouillon de letttre à Charles IX]
3
Sire, depuis la despeche que je fis à votre magesté du XIe de ce moys,
4
jescrivis au sieur de Monbrun que silz vouloyent depputer aucuns
5deux pour mesclarcir [barré : le ] la responce quilz mavoyent faycte
6
et de la quele je vous envoyay coppie par le conterroleur Girard,
7
que je me y resouldroys sus icele que je trovoys bien ambigue.
8
Ilz me demandèrent delay de quelques jours, ce que je leur
9
accorday et prolongey la suspenssion darmes. Mays hier, ilz
10
mescrivirent et prièrent de la prolonger jusques à la fin
11
de ce moys ce que je ney volu que jusques au XXVe, car
12
je cognoys, syre, quilz ne veulent embrasser la grace que
13
votre magesté leur a faycte comme ilz en fesoyent demonstration,
14
et quoy quilz demandent ledit delay pour attendre
15
ung de leurs depputés pour venir vers moy, je suis adverty
16que [barré : ilz veulent ] cest pour veoyr comme [barré : la rece ] en usèrent
17
ceulx de Nismes de Languedoc et du Viverays, et ne mattens
18pas que [barré : Dieu ] ilz obeyssent que par force. Dieu veuille toute
19
foys que je me trove deceu de mon attente. Au demeurant,
20
syre, je suplie trèshumblement votre magesté vouloyr
21
pourvoyr au payement de la compagnie de monsieur de Nemours
22
et mienne.
23
Sire, etc
24
Autres de mesmes au roy de Pollongne, à la royne mère et à monseigneur
25
le prince daulphin